4 Pekara Syarat Puasa

Syarat puasa saudara na 4 peukara
Yang keuphon islam meu tuhan keu po Ta'ala
Keu ureung kafe hai sampe hana puasa
Hana sep syarat ka cacat saboh peukara

Keu dua balegh murahek hana puasa
Hana lom wajeb umu hansep hai saudara
Goh taklok hukom meunan meufom wahee poma
Wajeb bak ayah peurunoe hukom agama

Keu lhee meu akai kon jawai atawa pungoe
Ureung pih meufom keu hukom geutem meuruno
Geu turie yang goet yang suci atau yang kuto
Illa cuali ureung jak peu pungoe pungoe droe

Yang keu peut sehat badan atawa pikiran
Sanggup puasa anggota goh saket badan
Ureung musafir yang teungoh jak nibak jalan
Han wajeb puasa sebab dalam perantauan

Nyan keu 4 syarat lam kitab ulon bacakan
Lam kitab fikah yang peugah guree lon tuan
Teungku peurati bajuri dan kitab lapan
Sinan meutuleh ka habeh ulon jelaskan.

Terimakasih