SYARAT SYARAT PUASA
"Assalamualaikom mandum syedara
Saleum ulon brie lewat udara
Deungoe hai rakan lon neuk calitra
Teh teh puekara syarat puasa
Yang phon islam tameutuhan sidro allah
Dan tapateh nabi muhammad rasul allah
Yang keudua mukallaf gata hukom allah
Gata ka baleg hana le sabi atau sabiyah
Ureung agam baleg gata umu limoeng blah
Atau deungan lumpo oh tabeudorh leuweu basah
Ureung inoeng baleg gata ngen teuka darah
He geupeunan pham le gata beubek salah
Teutap akai wahai rakan syarat keulhe
Hana pungoe hana pinsan kameuteunte
Teuma keupeut keuureung inoeng hana meuHe
Gata lam suci wahai ummi kameuteunte
Yang meulimong mampu gata akan puasa
Han teuka saket ataupih ciret bila takeurija
Nyokeuh sagai wahe rakan syarat puasa
Pat na salah dari lontuan meuah lon pinta
#trimoeng geunaseh.