ညို့မှောင်နေသည့် သူ့မျက်နှာပေါ်မှ မျက်လုံးများသည် တဖျတ်ဖျတ် တောက်နေကြသည်။ ဆံပင် ဖရိုဖရဲ၊ အဝတ်အစား ခပ်နွမ်းနွမ်းနှင့် ခုံဖိနပ်ကို စီးထားသည့် ခပ်နွမ်းနွမ်း အဆင်အပြင်ထဲမှ နေ၍ သူ့မျက်နှာသည် ကြည်လင် လတ်ဆတ်ကာ နှစ်လိုဖွယ် ကောင်းနေသည်။ သူသည် ကျွန်တော်တို့ စာရေးဆရာ တစ်သိုက်ကို အကဲခတ် နေသည်။ တစ်ခါတရံတွင် ဆေးပေါ့လိပ်တိုကို မီးညှိပြီး ကျွန်တော်တို့ ပြောနေသော စကားများကို နားစွင့် နေတတ်သည်။ တစ်ခါတရံ တွင်လည်း သူ့နှုတ်ခမ်းမွှေးကို ပွတ်သပ်ရင်း ကျွန်တော်တို့ ပြောနေသည့် စကားများကို နားစွင့်တတ်သည်။
ဗိုလ်တဲပေါ်ကို ရောက်စတုန်းက ကျွန်တော်သူ့ကို သတိမထားမိ။ အထုပ်အပိုးများကို ချပြီး ဧည့်ခန်းတွင် ထိုင်မိသည့် အခါမှ သူ့ကို ကျွန်တော် သတိထားမိခြင်း ဖြစ်သည်။ အမှန်ကတော့ ကျွန်တော်တို့ကို ဘူတာရုံ လာကြိုကတည်းက သူ ပါလာခဲ့သည်။ သို့ရာတွင် သူသည် စကားတစ်လုံး မျှလည်း မပြော။ လာကြို သူများနှင့်လည်း သိပ်မရောသဖြင့် သူ့ကို သတိ မထားမိခဲ့ခြင်း ဖြစ်သည်။
နောက် ကျွန်တော်တို့ ပစ္စည်းကို သူ့ဆိုက်ကားပေါ်သို့ တင်ပြီး ဆိုက်ကားနင်း လိုက်လာသဖြင့် သူ့ကို ဆိုက်ကားသမား တစ်ဦးဟုပင် ထင်ခဲ့မိသည်။
မှန်တော့ မှန်သည်။ သူသည် ဆိုက်ကားသမားတော့ ဆိုက်ကားသမားပင် ဖြစ်သည်။ သို့ရာတွင် ငှားရမ်းထားသည့် ဆိုက်ကားသမား မဟုတ်။ ကျွန်တော်တို့ ဟောပြောပွဲ လုပ်မည့် မြို့က စာဆိုတော် ကော်မတီဝင် တစ်ဦး ဖြစ်ကြောင်း နောက်မှ သိရသည်။
ကိုစိုးမြင့်သည် စာဆိုတော် ဟောပြောပွဲရက်များ အတွင်းတွင် ဆိုက်ကားလည်း မနင်းတော့။ အိမ်သို့လည်း မပြန်တော့။ စာဆိုတော်ပွဲ ကိစ္စ အဝဝကို ဒိုင်ခံကာ ဆက်သွယ် စီစဉ်ပေးသူ ဖြစ်နေသည်။
ထိုရက်များ အတွင်း ကျွန်တော်နှင့် ကိုစိုးမြင့်တို့ စကား ပြောမိကြသည်။ ပြောမိသည့် စကားထဲတွင် မော်ဒန်ကဗျာ၊ ဖြစ်တည်မှု ပဓာနဝါဒ၊ သိစိတ်အလျဉ် ရေးဖွဲ့နည်း၊ ဂျိမ်းဂျွိုက်စ်၏ ယူလီးဆစ်ဝတ္ထု၊ ဟဲမင်းဝေး၏ အဘိုးအိုနှင့် ပင်လယ် ဝတ္ထုက ပြောပြသည့် ဒဿန၊ ခေတ်ပေါ် မြန်မာဝတ္ထုတို့ ဆန်းစစ်ချက်၊ မော်ဒန်ဆိုသည့် ဝေါဟာရ၏ အဓိပ္ပါယ် ၊ အိုင်းစတိုင်း၏ ရီလေတီဗတီ သီအိုရီ ...။
ထူးတော့ ထူးဆန်းသည်။ ခုံဖိနပ် စီးထားသည့် အညာမြို့ တစ်မြို့က ဆိုက်ကားသမားနှင့် ဖြစ်တည်မှု ပဓာနဝါဒသည် တကယ်ဆိုလျှင် အဝေးကြီး။
ကျွန်တော်သည် သူ့စကားများကို နားထောင်ရင်း အံ့ဩ ရမည်လား။ ဝမ်းသာ ရမည်လား။ သံသယဖြစ် ရမည်လားဟု ဝေခွဲမရ ဖြစ်နေသည်။