Naalala mo pa ba? Noong masaya tayong nagtatampisaw sa ulan na para bang wala ng ibang tao kundi tayo lang

Biglang tumalon ang aking puso sa mga titig mong nakakatunaw at mga ngiting mong nakakasilaw

Unti-unting nahulog ang aking loob sa mga kilos mong napakalambing at napakalumay na tila humahaplos sa aking munting puso

Lumipas ang masasayang panahon na kasama kita pero biglang nag-iba dahil aalis ka na

Aalis ka at walang kasiguraduhan kung ikay babalik pa ba kaya akoy nangatog sa hirap at kaba

Hindi ko maipaliwananag ang aking nadarama, tila binalot ang aking puso sa puot at kalungkutan dahil baka hindi ko na masilayan ang maamo mong mukha

Pero kinulong mo ko sa iyong bisig na hiniling di na bibitaw pa, tapos binitawan mo ang mga katagang, "Pangako, babalikan kita."

Pinikit ko ang aking mga mata at inalala ang mga alaalang nandito ka pa at di mapigilan ang mga ngiting tila kumakawala sa aking mga labi.
10 taon na pala

10 taon na simula noong nangako kang babalik ka
10 taon kong pinaghahawakan ang mga alaalang ginawa nating dalawa
10 taon kong tiniis na hindi ka makita
10 taon kong ininda ang sakit at hirap simula ng umalis ka

Pero naglaho ang lahat ng sakit ng mabalitaan kong dumating ka na
Sinagot ang aking mga dalangin para magkita tayong muli

Bumalik siya Lord! Salamat at bumalik ka!
Dali-dali akong tumakbo at hindi makapaghintay na makulong ulit sa bisig mo

Sa wakas, nakita na rin kita.
Nakita ko na ulit ang matatamis mong mga ngiti na kaytagal kong tiniis na makita

Dahan-dahan akong lumapit sayo pero bakit parang may mali?

Bawat hakbang ay kay bigat na para bang gusto ng katawan kong umurong pabalik,
Dun ko namalayan na hindi lang pala ikaw ang madadatnan ko, pati narin pala ang bago mo

Umuupaw ng mga tanong sa aking isipan na tila di kayang tanggapin ang aking nabalitaan

Mahal, ano bang meron siya na wala ako?
Joke lang ba ang mga pinangako mo?
Bes naman! Umasa ako! Umasa ako na may ikaw at ako

Pero sa kabilang banda, nginitian kita.
Sabi ko sayo, "Bes, suportado kita."

Tinalikuran kita ng walang pagdududa
Dahil tumulo ang luhang nagsasabing "bestfriend lang pala kita".

photo credits

Salamat po sa oras niyo! 😊
(Thank your for spending your time 😄 )

Sana ay naantig ko ang inyong mga damdamin sa pamamagitan ng aking tula. Naway naramdaman ninyo ang mensahe at damdamin nito :) Ang tula pong ito ay aking orihinal na gawa.

Alam kong marami akong mga kababayan dito kaya naisipan ko ring gumawa ng isang tulang pinoy. Ito na rin ay isang paraan upang ipagmalaki ang wikang Filipino.

Muli, Salamat sa pagbasa at kung may komento o reaksyun po kayo, buong loob ko po itong tatanggapin 😊

@queenlyka