PAGHANGA (TULA)

Palihim kung ako’y nakatingin
Sa mukha mong parang bituin
Lagi kitang pinagmamasdan
Oo, ako sayo’y tinamaan

Dibdib ko’y kinakabahan
Sa tuwing ika’y napapadaan
Gusto kitang tawagan
Ngunit ako’y nagaalinlangan

Tibok ng puso ko’y bumibilis
Parang lahat aking nakikita’y puso ang hugis
Pagkamangha ko sayo’y labis
Kaya ang ngiti ko’y tumatamis

Naramdaman kong para akong nasa ulap
Ng ika’y personal kong nakausap
Ako’y nahihiya at nababahala
Na baka makita mo ang mukhang kong namumula

Nararamdaman ko sayo’y itatago’t ililihim
Dahil baka lumayo ang iyong damdamin
Kapag nalaman mong ako sayo'y may paghanga
Huwag naman sanang pigilan aking nadarama.