"Lumipad" tulad ng mga ibong malaya
Dahil sa paglipad mo'y maraming pag-asa ang nakataya
Ninanais nilang ikaw ay magpunyagi
Sila'y magdiriwang kung ikaw ay magwawagi

Bantayog na pangarap mo'y ipagbunyi
Walang mawawala kung magbabakasali
Ibuhos mo ang lahat ng iyong makakaya
Dumulong sa Panginoon at manampalataya

Ika'y gagabayan sa pinakamatuwid na landas
Poprotektahan ka kahit gaano ka lakas ang hampas.
Ng alon o hangin o kung anupamang sakuna
Maniwala at dumulong ka lang sa kanya

Kaya "Lipad!" abutin mo hanggang sa abot ng makakaya
Liparin mo hanggang sa maabot mo ang mga tala
At ika'y kikinang at titingalain ng lahat
Mundo'y bukas na sa tagumpay at ito na ang hudyat

Na anihin ang tinanim mong pagpupursigi
At ipabatid sa mundo na ika'y nagwagi
Na ang tagumpay ay iyo nang natiris
Bunga ng paghihirap mo at paghihinagpis

Nawa'y sana ito'y inyong nagustuhan :)

Nawa'y ito ay iyong nagustuhan. Kung may opinyon sa naturang tula, huwag mag atubiling ikomento ito. Maraming salamat :)

Photocredit : Pixabay