Notch Screen နဲ့ထွက်လာမယ့် Google Pixel 3 XL
2018 ခုနှစ်ဟာ ထိပ်ဘက်မှာ notch ပါဝင်တဲ့ စမတ်ဖုန်းတွေရဲ့ နှစ်လို့ဆိုရင် မှားမယ်မထင်ပါဘူး။ အခုဆိုရင် ထွက်သမျှစမတ်ဖုန်းတိုင်းဟာ notch တွေပါဝင်လာခဲ့တယ်။
ဒီနေ့မှာလည်း နောက်ထပ် Notch ဒီဇိုင်းအသုံးပြုလာမယ့် ဖုန်းမော်ဒယ်တစ်ခုရဲ့ သတင်းတွေ ထွက်လာခဲ့ပါတယ်။ သူကတော့ Google ကနေထုတ်လုပ်မယ့် Pixels series ဖုန်းတွေဖြစ်ပြီး Pixel 3 နဲ့ Pixel 3 XL ဖုန်းတွေအကြောင်းပါ။Google ရဲ့အသစ်ထွက်စမတ်ဖုန်း ၂လုံးရဲ့ ဓာတ်ပုံအကြမ်းထွက်လာခဲ့ပြီး ရှေ့ဘက်မျက်နှာပြင်ပုံစံကိုသာ မြင်ရပါတယ်။
ပုံမှာတော့ 5.3 လက်မရှိမယ့် Google Pixel 3 နဲ့ 6.2 လက်မရှိမယ့် Pixel 3 XL တို့ရဲ့ screen ပုံကြမ်းတွေကို ပြသထားတာ ဖြစ်ပါတယ်။ ဖုန်း၂မျိုးထဲမှာတော့ Pixel 3 XL မှာ ထပ်ဘက်မှာ notch ကိုသုံးထားမှာ ဖြစ်ပါတယ်။ Pixel 3 ကိုတော့ ပုံမှန် Full-View နဲ့သာထုတ်ထားပါတယ်။
စမတ်ဖုန်းသစ်တွေမှာ Snapdragon 845 Octa core ပရိုဆက်ဆာကို သုံးထားနိုင်ပြီး LPDDR4X, UFS တို့ထောက်ပံ့နိုင်ပါတယ်။ OS ပိုင်းမှာတော့ Android P ကိုတစ်ပါတည်းပါဝင်လာဖို့ သေချာလျက်ရှိနေပါတယ်။ Google Pixel 3 နဲ့ Pixel 3 XL ယခုနှစ်အောက်တိုဘာလ လောက်မှာထုတ်ဖော် မိတ်ဆက်နိုင်ပါတယ်။
Google အနေနဲ့ mid-range အမျိုးအစား Pixel စီးရီးစမတ်ဖုန်းကို ထုတ်ဖို့ပြင်ဆင်လျက်ရှိနေပြီး အဲ့ဒီဖုန်းမှာ Snapdragon 710 ပရိုဆက်ဆာကို အသုံးပြုလာမယ်လို့ သိရပါတယ်။ 