Syarat dan Ketentuan Kontes PANTOEN 8
- Resteem post nyo (tujuan jih untuk promosi kontes nyo ke mandum rakan - rakan steemit)
- Peugot saboh panton dalam bahasa aceh beuna kata - kata "KANJAI" lam panton nyan (paleng kureng saboh bait).
- Pantoen yang kaleuh neupegot ne post bak komentar post nyo.
- Pantoen harus karya dro dan hanjet jiplak bak buku atau internet (belum pernah dipublikasi)
- Pantoen hana payah panyang yang penteng bermakna
- Wate jih 3 uro mulai postingan nyo kamo terbitkan.
Hadiah
- 3 boh panton terpilih akan merempok hadiah dari kamo.
- Hadiah jih berupa vote 100 % dari setiap sponsor (sekitar 0.50 - 1.00 SBD / menurot harga VEST)
Sponsor
3 PANTOEN TERPILIH BAK KONTES KE-7
Seulamat kepada @ahadipj, @cek.sin dan @munazirpuwan, 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .
Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo
Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo
KANJAI
Bungong sikuntom timoh meu uke
Wahe bohate cukop get warna
Wate ulon pot bungong sitangke
Madu hana le kahek lon jaga
Hana lon sangka meusineuk pade
Cinta oh akhe KANJAI lon rasa
Oh kabeh rasa bak lon ta sampe
Hana teupike ka awai gob baa
Pakon han jujor nibak bg kade
Gata boh hate awai gob rabaa
Mangat lon timang goh troh seulangke
Supaya bohate nak bek keucewa
Sangka lon gata dara bineh gle
Hana meusampe lagenyoe rupa
Rupajih gata yang leubeh bakhe
Ek sampee hate ulon ta siksa
Rugoe beulanja male ngen parte
Cinta teuseumee KANJAI lon rasa
Lon meu hubungan sampoe seu hate
Tapi oh akhe lon tapeudua
Nyaaan nyan hai tengku peukara cinta
That brat keucewa ka dipeuduwa
Hana hi Bakhe lon kalon rupa
Sidara laen kadang neuraba
Leuk kutru dipajoeh pade
Bek le neukaru ehai bang kade
Keu suai cinta roneuh ka reulee
Nyopat na laen awak blah ret deh
Seungap laju bek le neu moe, cas ile bagah!!! Janda pih na nyopat.
That brat kecewa adun bohate
Haek kupike le soai meucinta
Bah meunoe siat cinta bg kade
Cok cinta gule keudeh lam paya
weuh hate wate lon baca
hate kecewa karena boh hate
neusaba beurayek wahe kakanda
nyan adinda hana pat taharap le
Hana masalah wahe syedara
Di ulon tuan ka ikhlas hate
Singeh na laen canden yg dara
Hana hai abg ulon harap le
Himbauan kepada ban-bandum budayawan-wati dari aceh yang mendukung dan ikoet serta dalam meupantoen nyoe, Harapan bek neu cukeh nan diantara pemilik dan para sponsor, supaya kepada segenap tim jeut bekerja secara bijaksana.
Bek neu tag nan @sogata @iamfo @hajuky @abudar @rejacole dan @hattarshavin.
Meseu enteuk na karya droneuh yang emang pantas menjadi juara dan berhak mendapatkan upvote 100% maka secara lansong nyan han akan terjadi. Karena pantoen bebas sesuai Tema.
Sekian dan terimoeng geunaseh!
Hanjeut lon peutuwo keu rakan bohate
Kanjai tema sesuai aturan
Meneurot cara dengan na himbauan
Karena loen segan keu panitia.
Pikiran tenang dengan hate gleh
Loen teumuleh keu calitra
Dengoen na aturan di uloen pateh
Teurimong geunaseh loen ucapkan
Salam alaikum Lon hubong haba.
Dengon @sogata yang peukap buet nyoe.
Adak pih malam meuri kajula.
Teutap meurika nibak malam nyoe.
Keu rakan stemiit haba taintat.
Bek sampe meuhat kanjai di teuka.
Karena buet nyoe meunan meuhajat.
Asai bek silap salah meuhaba.
Peukara panton hana that peunteng.
Beuseureng seureng saweu syedara.
Asai ka kompak mandum tasayeng.
Yang cukop peunteng kanjai bek teuka.
Silumba stemiit cit han di pakoe.
Nyo lagee kamoe cit kareeng buta.
Adak pih meunan saba hai adoe.
Han kanjai tanyoe bek putoh asa.
Meumada ohnoe haba Lon komen.
Keu ubat angen malam kajula.
Bareeh kaabeh mata bak seumen.
Saleum bak komen Keu mandum gata.
Stemian aceh jinoe geuthat na jai
Kadang mita peng na sit yang meudawa
Keu suai panton meucukoet keu kanjai
Bek le na karu Abu-abuwa
Haba keu haba kaleuh neurika
Sikrak dua krak kaleuh neu sareng
Takheun keu makna hana so sangka
Keu suai Pantoen neukheun han peunteng
Nakeuh dikamoe keu suai pantoen
Hana so boh yum geuthat meuharga
Hana teunaga modal meupeutroen
Keu mulia pantoen beuna teunaga
Adak meunan pih bek goyang dironeuh, cas ile!
Soal mepanton neukheun tan peuNteng.
Kon keumeusayeng Keu hura-hura.
Tapi nacit lom yang leubeh peunteng.
Tanyoe meusayeng jeut keusyedara.
Harga sidroe ngon han ek taboh yum.
Atanyan mandum hak manusia.
Meunan geupeugah le ureung jameun.
Cukop that meuyum ikat soudara.
Mandum gue tanyoe beu carong-carong.
Nak jeut tapeukong maruwah bangsa.
Bek na plagiat ka jiek sombong.
Hana soe borong Meunan cerita.
Adak pih stemiit meu inggreh meunan.
Tanyoe hai rakan lagee biasa.
Beuek meujaya saboh keunangan.
Aceh tapadan bak mata donya.
Kadang cit stemiit jeut Keu saboh jop.
Yang bek ata gop tanyoe jak raba.
Ta ikot kontes nak saho meujop.
Mandum jeut talhop kadang juara.
Media Steemit dum kameugah
Lon kutip kata tanda lon balah
Bukoen maksud lon menjajah
Lewat pantong supaya ngak meugah
Harapan peunoh keunoe bak lon neu singgah
Mungken na peutanyaan yang jeut neubalah
Bek teumakot dan bek susah
Soe teuoh bak pos jeut neu curah
Cukop gura contest meutuwah
hana so peugah bak ulon haba
padahai hawachit meupanton siblah
meusilat lidah meu atoe kata
Peulom jinoe panton na hadiah
cit ka dikeubah le @sogata
Teuman ka teulat kiban tapeugah
han jeut tareupah kana juara
meunyoe ta karat chit kahana pah
kanjai meuleupah bak kawom dumna
kanasib lon hana hadiah
mungken singoh lon reupah teuma
Saleum lon kirem keu bandum syara.
Yang na disinan dan yang na disinoe.
Lon harap gata bandum lam bahgia.
Tip uroe sabe bek teuwo keu poe..
Nyo karap ta tamoeng buleun Ramadhan.
Buleun keampunan punoeh ngen beurkat.
Malam singeh pah limoeng blah Syakban.
Beudoh bek le lalo untuk ta pubut ibadat..
Wahe rakan lon cut bang yang ceudah.
Wahe rakan lon cut dek yang cantek.
Tip buleun puasa ta kalon mesjid han punoh.
Meunasah kosong jamaah han meu-sak..
Sembahyang teuraweh memang but sunnat.
Rayeuk pahala Allah bri uroe akhirat.
Adak jeut geutanyo bandum beuna ta pubut.
Pulom buleun puasa punoeh ngen beurkat..
Seugolom mate beu na ta peu siap droe.
Karna kesempatan udep han ta tujan abeh.
Manfaatkan beu get buleun Ramadhan nyoe.
Bek kanjai singeh wate ta wo bak Allah..
Teurimong geunaseh..😊
Meunyo na sayang neu bantu bacut..
Syara ka leumoh tan soe peduli..
Neu kalon-kalon dek Nurul imut..
Bek sampe mumang sapu han neu bri..
Cukop brat kanjai wate lon ingat..
Nasib lon sidro kureung get sabee..
Di gop lon kalon sabe sep mangat..
Sabee troh keudro hana wah lakee..😊..
Wahe rakan lon yang cukop meutuwah..
Na bacut ceurita ulon neuk peugah..
Uro Hameh barosa lon bit meuramah..
Lon jak bak pesta teuwo lon jok seudekah..
Cukop brat kanjai wate lon ingat..
Ngen poe rumoh nyan lon male leupah brat..
Sang barangkajan han lon teujeut le lewat..
Gara-gara teuwo ata nyan bit-bit sep gawat...😊
Seugolom lon balah bah lon khem dile, haha!!!
Roneuh alpaya leupah that gura
Meutume silap bak but metuah
Teujaloek di ulon nyan keu gura-gura
Dari rumoh koen tan neume seudeukah
Tingat di uloen keu sidroe rakan
Sama cerita lage neurika
Nibak watenyan Kawen si mantan
Dijak that rame seudeukah tan diba
Hadooooh, adak meunan pih. Yak ta Cas ile, beu teuga laju.
Meunye pijet taboh bak sapai
Kateunte gatai tatume rasa
Meunye sulet taboh keupangkai
Kateunte kanjai tacok keulaba.
Nyo yang na.,saleum aneuk nanggro.
Singkat padat arat!
Cas ile
Panton aceh
**Nyan hai Rakan Bena tatuso
Gobnyan dua dro ureng mulia
Wate ureung nyo mantong tiga
Tajak bak gobnyan tatanyong agama
Bek ta mesom nibak ulama
Ladom manusia di macam bago,
Gobnyan takot akan ulama
Pedahai dalam Al-Qur'an na peseleso
So mantong yang to Dengan ulama
Gobnyan akan to Dengan bahagiaa
Yaitu syurga.**
Teurimeng gaseh ulon ucapkan
Keu admin yang tampan Contes @sogata
Seureuta sponsor teuma oh leuh nyan
Saleum keu rakan mandum semua
Ulon neuk ikot kontes keu lapan
Peu jeut hay rakan lon tanyeng bak gata
Atawa hanjeut le peugah beurijang
Seubab hay cut bang kaleuh juara
Hana meudaleh wahe e rakan
Kontes keu lapan ka kamo buka
Adak juara jeut ikot ulang
Menan peraturan kontes yang kana
Meunyo ka meunan singoh lon ulang
Keuno hay cut bang laju lon teuka
Hajat lam hate peuget karangan
Kontes geubouh nan le bg @sogata
Menyoe keu adat bak poe temeuruhom
Ta puwoe hukom bak syah kuala
Dironeuh tengku juara baroe phoen
Beuna meu 10 neucok piala
Na pakat?
Meunyoe na cas ile!
Di ateuh bak u tupee meulumpat
Ateuh bak Langsat aneuk cempala
Lon ikot kontes hy abang teulat
Keu 7 meuhat Baro lon teuka
Meunyo cok piala sampe 10 dilon that pakat
Adak meukarat hana kukira
Bah pih yang teuka timu ngen barat
Mandum kutakat ngak na leumboi sa
Memang @sogata cukop that hebat
Peulara adat contes geupeuna
Geumita seuponsor demi keu adat
Bit hayeu that that pike budaya
Cassss lommm bg @iamfo yang penteng casssssss hahaha
Bereh nyan bos, bah ngat terbangkit kembali adat meu panton bahasa aceh geutanyo, beu maju nanggro aceh beu lage jameun lon mulai dari bahasa dan mandum2 adat yg laen