AMAI SHALEH

Pubuet pu yang roeh pajoeh pu yang heut
Yang hanjeut keubuet bek ta keurija
Bek ta keurija yang hana maksud
Bek ta seumeungeut wahe saudara

Ta pubut amai yang kebaikan
Uroe ngoen malam pujoe rabbana
Amai yang shaleh tanyoe kerjakan
Beuna sembahyang juga puasa

Tanyoe boeh zakeut meunyoe na leubeh
Gantoe ta peugleh hareuta gata
Hak fakir miskin bek sak lam binteh
Singoeh oeh habeh meunyesai teuma

Meunyoe na leubeh harta hai akhi
Tanyoe ek haji rukon yang lima
Keudeh u mekkah u tanoh suci
Rukon islama suroh rabbana

Meunan cit laen buet yang terpuji
Ta bagi-bagi nyoe na kuasa
Ta meuseudeukah harta ta bagi
Keupada fakie atawa janda

Nyan keuh sipatah kata lon rawi
Bak laen akhi lon sambong teuma
Meunyoe na sehat jaroe ngoen gaki
Dan golom neubrie meuninggai donya.