Image is Mr Ibu
I believe sey everybody don reach to hear, like and love themselves
I believe say every one dey equal, nobody better pass another person
I believe sey this world big reach to contain everybody
I believe sey everyone na king for him own lane
I believe sey everybody dey special and u no fit find that kind person for another place
I believe sey everybody get him black and white side inside body. My own na to make sure sey the good part surface and the bad part no comot surface
I believe say where person come from, where him de worship and him position for society, dem just carry am for front to carry repress for society. As i de so, i go be human being first and i no go allow, tribe, religion or class determine how i go treat people
I go treat people the way i want make people treat me
I no go carry people based on who them be now, but wetin and where dem go reach tomorrow
I no go put hand for business or anything wey go spoil person face
I go make sure sey i understand other people
I no go allow bad belle control me at all at all
Before i leave this world, i go do better ogbonke thing keep for ground
I no go allow catata weak me
I no go allow fear catch
Me no go allow bad things flow for inside my mind, but i go make sure say better things go de am so as to push my mind go where e suppose be
I go make sure sey i no live fake life
I no sey if i put my mind do something, better go
I no go allow person carry me run anyhow race, i no get that time, i go do my things slow and steadily make i for see results
I believe sey we suppose live peaceful life
I believe say, if we get pass another person, we for de give
I no believe sey we suppose to the carry other people for mind mek our chest come de big like sey we de gym
I believe sey we suppose love one another like ourselves
I believe sey we suppose mercy for others
I believe sey person no suppose do another person bad waka without appropraite reward
I believe as we de live so for this world
I don gree for myself sey i go enjoy this life wey i de live so, no be to come waka pass like tree
I Nduyeobong Friday Aniekan don gree to follow this creed until when my time reach to leave this world