Love 1

[2] ခင်ဗျားမျက်လုံးတွေရဲ့အရောင်ဟာ ဘယ်လိုမျိုးလဲ Chor!!ပင်လယ်တွေလို ကောင်းကင်တွေလို အရောင်မျိုးလား။ဒါမှမဟုတ်သဲတွေရဲ့အရောင်မျိုးလား။ခင်ဗျားဟာ ကျွန်တော်ခုန်ချကူးခတ်လို့မရတဲ့ ပင်လယ်ပြာကလေးဖြစ်ရင်ဖြစ်မယ်။ကျွန်တော် မှောက်မှားလမ်းပျောက်ခွင့်မရှိတဲ့ သဲကန္တာရလေးဖြစ်ရင်ဖြစ်မယ်။

[3] ဘာပဲဖြစ်ဖြစ် ကျွန်တော်ဟာ စိတ်ကူးကလေးနဲ့ ရူးနေရပါတယ်။ကျွန်တော်ပျောက်ဆုံးနေတဲ့ ကမ်းတစ်ခုဟာ ခင်ဗျားပဲ။ကျွန်တော် ရှာမတွေ့သေးတဲ့ အိုအေစစ်ကလေးဆိုလည်းဟုတ်တယ်။တိမ်တွေလည်း ခင်ဗျားပဲ။ကြယ်တွေလည်း ခင်ဗျားပဲ။ကျွန်တော့်အတွက်တော့ ခင်ဗျားဟာ အဓိပ္ပာယ်အမျိုးမျိုးဖော်လို့ရတဲ့ သီအိုရီတစ်ခုပဲ။ထားပါ....
[4] လောလောဆယ် ကျွန်တော့်ရူးသွပ်မှုလယ်ဗယ်အမြင့်ဆုံးအပိုင်းက ခင်ဗျားမျက်ဝန်းတွေပါပဲ။ခင်ဗျားမျက်ဝန်းတွေထဲမှာ ကျွန်တော့်ကမ္ဘာကို ဆောက်တည်လိုက်မယ်။ခင်ဗျားဆိုတဲ့စကြာဝဠာလေးတစ်ခု ကျွန်တော်ဖန်တီးမယ်။အဲ့ဒီအရပ်မှာတော့ ယုံတမ်းစကားတွေကံတရားတွေ ချစ်ခြင်းမေတ္တာတွေကို ထည့်ပြီးမဖော်စပ်တော့ဘူး။

[5] ဘေးထွက်ဆိုးကျိုးများခြင်းတွေဟာကျွန်တော့်ကမ္ဘာပြိုဖို့ ခိုင်လုံတဲ့အကြောင်းရင်းတွေပဲ။ဘုရားလည်း မရှိဘူး။တရားလည်း မသိဘူး။ခင်ဗျားနဲ့ ကျွန်တော်ပဲ ရှိတယ်။ကျွန်တော့်မှာ ကိုးကွယ်ယုံကြည်မှုရယ်လို့တော့ ထွေထွေထူးထူးမရှိပါဘူး။ကျွန်တော့်မှာ ခင်ဗျားမှတပါး အခြားမရှိ.....