My country people, i get many things wey i wish say if say them go give me second chance, i go sharperly do amendment, but e get another thing wey dey happen now wey dey even make me no dey remember talk about my own wahala. The thing be say many people for this our country naija don dey cry say them dey regret say them voted one man go put for president seat. Say now the man don use our brain sotee even the professors wey sabi book for our naija don dey mumu sotee the thing come begin attract animals for our matter. Even ordinary snake and monkey wey we dey treat their f*ck up before don dey do us any how dey chop us office for head. Now snake don arrange swallow our 36 million and monkey don tidy our senators 70 million and we never even no another animal wey go be our next torey. That one sef fit steal Aso rock. So, na em my people dey cry say if say them know, if say them fit get a second chance, they for know whether na to put another person for that seat wey go fit help us fight and pursue all the animals wey don dey plan to pursue us comot our naija country.