တမလွန်ခရီးသို့

ညဉ့်နက်လာလေ အအေးကရင်ဘက်ထဲထိတိုင်အောင် စိမ့်အေးလွန်းလှသည်။
ဒီလိုအချိန်မှာ ပေတရာလမ်းမကြီးကို ငယ်ပေါင်းတစ်ယောက်လို သဘောထားပြီး လမ်းလျှောက်နေရပေမယ့် ဝမ်းနည်းမှုတွေကတော့ ရင်ထဲအပြည့် ဖြစ်၍နေလေတော့သည်။

``ဝူး ဝူး ဝူးးး´´ ဆွဲဆွဲငင်ငင် အူလိုက်တဲ့ခွေးအော်သံတွေကြောင့် လှမ်းနေတဲ့ခြေလှမ်းတွေတောင် တုံ့ဆိုင်းသွားရလေတော့သည်။

ကားမီးရောင်တွေကလည်း မျက်လုံးတွေကို စူးရှစွာ ထိုးစိုက်ခံရသလိုဖြစ်နေတော့ မျက်လုံးတွေလည်း ပြာလဲ့လဲ့တွေတောင်ဖြစ်နေပြီ။

``ကောင်လေး သတိထားနော်´´ အနားကဖြတ်သွားရင်း နားနားကိုကပ်ပြီး ပြောသွားသလိုပဲ ၊ ဘေးပတ်ဝန်းကျင်ကို လှည့်ကြည့်တော့လည်း အရာအားလုံးက တိတ်ဆိတ်ငြိမ်သက်လျှက် ၊ လူတစ်ယောက်အနားကပ်ပြီး ပြောသွားသလိုခံစားလိုက်ရတာ ။

ဒီနေရာ ဒီလမ်း ညနက်နက်တစ်ယောက်တည်း တစ်ခါမှ မသွားဖူးပေမယ့် နေ့လည်ဘက်တွေတော့ ဖြတ်သွားဖြတ်လာလုပ်ဖူးတယ်။

ဟိုရင်တစ်ခါ မင်္ဂလာပွဲပြင်ပေးဖို့ လာတဲ့ သားအမိနှစ်ယောက် ဒီနေရာလေးမှာ ကားနဲ့တိုက်မိပြီး ဆုံးသွားတဲ့နေရာလေး ၊ သားအမိနှစ်ယောက်မသေခင် ဒီနေရာလေးက တော်တော်လေးစည်ကားတယ် ၊ ဆိုင်ခန်းလေးတွေကအစီအရီ ဖရဲသီးရောင်းတဲ့ဆိုင်ကရောင်း ၊ ကွမ်းရောင်းတဲ့သူကရောင်းနဲ့ လမ်းဘေးနားပတ်ဝန်းကျင်လေးက ချစ်စရာကောင်းအောင် လှပေနေတယ်။

သားအမိနှစ်ယောက်သေပြီးတဲ့နောက်ပိုင်း ညဘက်ရောက်လာရင် ကိုယ်ထင်ပြတာတွေ ဆိုင်တံခါးလာခေါက်တာတွေများလာတယ်။
ကြာလာတော့ ဈေးဆိုင်တွေလည်း ခြောက်ခြားမှုဒဏ်ကို မခံစားနိုင်တော့ပဲ ဒီနေရာလေးကနေ အစီအရီ တယောက်ပြီးတစ်ယောက် ထွက်ခွာသွားကြတယ်။

ခုလည်း ``ကောင်လေး သတိထားနော်´´ ဆိုတဲ့စကားကို ဘယ်သူကပြောသွားတာပါလိမ့် ၊ နားနားကို ကပ်ပြီး ပြောသွားတာကတော့ အမှန်အကန်။

စိတ်ထဲနည်းနည်းကြောက်သွားပေမယ့် လျှောက်နေတဲ့ ခြေလှမ်းတွေကတော့ ရပ်တန့်မသွားပေ။
``ကောင်လေး နောက်မှာကား သတိထား´´ ဒုတိယအကြိမ် ထပ်ပြောလိုက်တဲ့စကားသံ ပီပီသသ ကြားလိုက်ပေမယ့် အရာအားလုံးက နောက်ကျလို့သွားခဲ့ချေပြီ။

``ဝုန်း ´´

ကျယ်လောင်သောအသံနှင့်အတူ ကျွန်တော့်ရဲ့ခန္ဓာကိုယ်ကြီး လေပေါ်မြှောက်တတ်သွားခဲ့တယ်။
ထူးဆန်းတာတစ်ခုက အမြင့်ကနေပြုတ်ကျတာတောင် နာကျင်မှုဆိုတာ ဘာမှမခံစားရလိုက်ခြင်းပင် ဖြစ်သည်။

``ကောင်လေး ဘာဖြစ်သွားသေးလဲ´´

တတိယအကြိမ် ကြားလိုက်ရတဲ့ မိန်းမကြီးတစ်ယောက်ရဲ့အသံ ၊ နောက်ကို အသာအယာလှည့်ကြည့်လိုက်တော့ ဆေးပြင်းလိပ်ကို ပါးစပ်မှာခဲပြီး အုတ်ခုံလေးပေါ်မှာ ထိုင်နေတဲ့ အဒေါ်တစ်ယောက်။

``ကျွန်တော့်ကို ခဏခဏသတိပေးတာ အဒေါ်လား´´

မသိလို့မေးမိတာကို အဒေါ်က ပြုံးပြုံးကြီးကြည့်ပြီး သွားတွေပေါ်အောင် ပြုံးပြလိုက်သေးတယ်။

``အဒေါ်လားလို့မေးရအောင် ဒီနားမှာ ဘယ်သူရှိငေးလို့လဲ´´

ဟုတ်လည်းဟုတ်တာပဲ ဒီနားတစ်ဝိုက်မှာလည်း အဒေါ်တစ်ယောက်ပဲရှိတာ ။
အုတ်ခုံလေးပေါ်မှာ ထိုင်နေသော အဒေါ့်ကိုတစ်ချက်ကြည့်ရင်း ပုခုံးမှာလွယ်ထားသော ကျောပိုးအိတ်လေးကို အုတ်ခုံလေးပေါ်သို့ ခဏချထားမိလိုက်တယ်။

``အဒေါ်က ဒီမှာတစ်ယောက်တည်း ဘာထိုင်လုပ်နေတာလဲ´´

ကျွန်တော့်အမေးကို အဒေါ်ကတစ်ချက်ကြည့်ရင်း တစ်နေရာကို လက်ညိုးထိုးပြလိုက်တယ်။
သူလက်ညိုးထိုးတဲ့ဘက်ကို လှမ်းကြည့်မိလိုက်တော့ ကားလမ်းဘေးမှာ လူတွေအများကြီးပဲ ဘာတွေဖြစ်နေတာလဲမသိ ၊ လူအုပ်ကြီးရှိရာဘက်ကို သွားမလို့ ခြေလှမ်းတွေဟန်ပြင်လိုက်တော့ နောက်ကနေ ကျွန်တော့်လက်ကို အဒေါ်ကဆွဲထားတယ်။

``ဘာသွားလုပ်မလို့လဲ´´

``လူတွေအများကြီးပဲ ဘာဖြစ်နေကြတာလဲမသိဘူး ခဏသွားကြည့်ချင်လို့´´

``မင်းမှာ အမြွှာညီအစ်ကိုတွေရှိလား´´

ဟင့်အင်း မရှိပါဘူး´´ ![image](https://img.esteem.ws/yoicomvmfm.jpg)ဒါဆို မင်းသွားကြည့်လည်း ဘာထူးလာမှာလဲ ၊ အသက်ပြန်ရှင်လာမှာမှမဟုတ်တာ´´

`ဟာ´ ဒီအဒေါ်ဘာတွေလာပြောနေတာလဲမသိ ၊ ဆွဲထားတဲ့လက်ကို အတင်းရုန်းဖယ်ပြီး လူအုပ်ကြားထဲကို အတင်းပြေးလွှားသွားမိတယ်။

ကားလမ်းရဲ့ဘေး မြေနီလမ်းလေးမှာ လူတစ်ယောက်ခွေခွေလေးလဲကျနေတယ်ဆိုတာထက် အသက်မရှိလို့ ငြိမ်သက်သွားတာဆိုရင် ပိုပြီးမှန်ပေလိမ့်မယ်ထင်တယ်။

`သနားလိုက်တာ ကျွတ် ကျွတ်´ ဒီကောင်လေးအတွက် တကယ်ကို စ်တ်ထဲမကောင်းမိဘူး ၊ သူ့မိဘတွေသိရင် ဘယ်လောက်များ ရင်နာလိုက်မလဲ ၊ ကျွန်တော့်စိတ်ထဲမှာ တကယ်ကိုသနားမိသွားတာ ။

`အား´ လူတစ်ယောက် ကျွန်တော့်ကို ဝင်တိုက်သွားတယ်။ ဗိုက်ထဲကကို ဖောက်ထွက်သွားတာ ။ လေဟာနယ်ကြီးတစ်ခုက ရင်ဘက်ကို ဆောင့်တွန်းလိုက်သလိုမျိုးကြီးဖြစ်သွားတာ။

``ဟာ ဒီကလေးက ဟိုဘက်ရွာက ဝေယံ ပါလား ၊ အသက်ကောရှိသေးလား ၊ သူ့မိဘတွေကိုအမြန်ဆက်သွယ်လိုက်လေ´´

ဘေးနားက တတွတ်တွတ်နဲ့ ရေပတ်မဝင်အောင် ပြောနေတဲ့ ဒီဦးလေးကြီးကို ကျွန်တော်မှတ်မိတာပေါ့ ၊ သူ့နူတ်ဖျားက ထွက်ပေါ်လိုက်တဲ့နာမည်က ဝေယံ ဆိုကပါလား ၊ သူပြောတဲ့နာမည်နဲ့ ကျွန်တော့်နာမည်က ကွက်တိကို လာတူနေတယ်။

ဒါဆိုရင် ခုသေနေတဲ့လူက ကျွန်တော်ကိုယ်တိုင်ဖြစ်နေတာလား ၊ အတွေးတွေတစ်သီကြီးတွေးလိုက်တဲ့အချိန် တဝီဝီနဲ့ရောက်လာတဲ့လူနာတင်ယာဉ်တစ်စီးကြောင့် အတွေးတွေပြတ်တောက်သွားတယ်။

လဲကျနေတဲ့လူနာကို သူတို့တွေမတင်သွားကြတယ် ၊ ဘေးနားကလူတွေကလည်း ကံကောင်းပါစေကောင်လေးရယ်ဆိုပြီး ဆုတောင်းပေးနေကြတာ ၊ လူနာတင်ယာဉ်ကားပေါ်ကို ကျွန်တော်ပါလိုက်မလို့ ခြေလှမ်းပြင်လိုက်တဲ့အချိန် နောက်ကစကားသံတစ်ခုထွက်ပေါ်လာတယ်။

``ကောင်လေး ဘာလို့လိုက်နေမှာတုန်း ၊ နင်အြသက်ပြန်ရှင်လာမှာမှမဟုတ်တာ လိုက်မနေနဲ့´´

သူပြောတာလည်း ဟုတ်သားပဲ ၊ ပြီးဆုံးခဲ့တဲ့ ဘဝကိုမက်မောနေတော့လည်း ဘာများပိုထူးခြားလာမှာလဲ။

``ကျွန်တော် အိမ်ခဏပြန်ချင်တယ်´´

``မင်းမိဘတွေငိုနေတာကို မြင်ချင်နေတာလား ၊ သူတို့ငိုနေတာကို မင်းကဘယ်လိုစွမ်းအင်တွေပေးနိုင်မှာမိုလို့လဲ´´

``အဲဒါတွေ မသိဘူးဗျာ ၊ ပြန်ချင်တာပဲသိတယ် ၊ ကျွန်တော်ပြန်လိုက်အုံးမယ်´´

``ဒီမှာ ကောင်လေး အချိန်ကျရင်တော့ ပြန်လာခဲ့ ၊ ပြန်မလာချင်ရင်တောင် မင်းကိုမောင်းထုတ်ကြမှာပါ ဟားးဟားးး´´

ဒီအဒေါ်ရဲ့ ရယ်သံကို ဂရုမစိုက်တော့ပဲ အိမ်ကိုအပြေးလေး ပြေးသွားမိတယ်။
ခြေလှမ်းတွေကတော့ အတော်လေးကိုမြန်တယ်။တခါတလေ လေပေါ်ကိုလွှင့်မျောသွားသလိုပဲ ဒါပေမယ့် တိမ်တွေကို ထိုင်စီးရတာမျိုးတော့ မဟုတ်ဘူး။

အဖေဆူလို့ အိမ်ကနေ ဆင်းလာရင်း ဒီလိုဖြစ်သွားတာဆိုပေမယ့် အချိန်တန်တော့ အိမ်ကိုပဲ ပြန်ပြန်ပြီးသတိရမိတယ်။

ခဏမောလို့ နားနေတဲ့အချိန် ဘေးနားကလယ်ကွင်းတွေကို ခဏတဖြုတ်ကြည့်မိလိုက်တယ်။
ဟိုးဂုံးထိပ်ပေါ်ကနေ ကောင်မလေးနှစ်ယောက် အတူတူဆင်းလာတယ်။
အနားရောက်တော့ ကျွန်တော့်ကိုပြုံးပြလို့ ပြန်ပြုံးပြလိုက်မိတယ် ။
တစ်ခုထူးခြားတာက သူတို့ခြေထောက်တွေက ဒူးဆစ်တွေကအစ နောက်ကိုလည်နေတယ်။
သိပ်မကြာလိုက်ဘူး ကုက္ကိုပင်ပေါ်ကနေ လူတစ်ယောက်ဆင်းလာတယ်။
အသားကမည်းတယ်ဆိုပေမယ့် ပုံစံကတော့ သားသားနားနားပါပဲ ၊ အပင်အောက်က ဂုံးလေးပေါ်မှာထိုင်နေတဲ့ ကျွန်တော့်နားကို တရွေ့ရွေ့နဲ့ကပ်လာပြီး ခဏထိုင်ပြစေ ဆိုပြီး ခွင့်တောင်းလို့ ထိုင်ခွင့်ပေးလိုက်တယ်။

``ခင်ဗျားက သရဲလား´´

ကျွန်တော့်အမေးကို သူက ခပ်ယဲ့ယဲ့လေးပြုံးပြီး စကားတခွန်းတော့ ပြန်ပြောတယ်။

``စောနက အပင်ပေါ်က ဆင်းလာတဲ့ပုံစံကိုပြောပြပါလား´´

``ဟင် ခင်ဗျားဆင်းလာတာ ဇောက်ထိုးကြီးဆင်းလာတာလေ´´

``အဲဒါ အဓိကပဲဗျ လူတွေက အပင်ပေါ်ကနေဆင်းလာရင် ဘယ်တော့မှဇောက်ထိုးမဆင်းကြဘူးဗျ´´

``ဒါဆို ခင်ဗျားက သရဲပေါ့´´

``သြော် ခက်နေပြီ သရဲချင်းချင်း တော်တော်ရစ်နေတာပါလား ၊ တော်ပြီ အပင်ပေါ်ပြန်တတ်တော့မယ်ဗျာ ၊ စကားပြောဖော်ရမလားလို့ဆင်းလာတာ ဒုက္ခပါပဲ´´

ကိုယ့်ဟာကိုယ်နေနေတဲ့ဟာကို သူပဲလာပြီး ပတ်သက်သေးတယ် ၊ သူကပဲ အပြစ်တင်စကားပြောသွားသေးတယ် ၊ တော်တော်ဟာသဆန်တဲ့သရဲ။

အမောပြေလို့ ရွာထဲကိုဝင်မယ်အလုပ် ရှေ့ကနေ လူတစ်ယောက်က လာတားနေတယ်။

``ခင်ဗျားက ဘယ်သူလဲ ´´

``ဟ ငါက ရွာစောင့်နတ်လေကွာ´´

``ရွာထဲကအဖေ့အိမ် ခဏသွားချင်လို့ ခွင့်ပေးပါနော်´´

ဒါတော့ ခွင့်တောင်းတတ်ပြီးသား ၊ ငယ်ငယ်ကတည်းပ ဘုန်းကြီးကျောင်းမှာနေဖူးတာဆိုတော့ ဒီအကြောင်းတွေသိပြီသား ၊ သူတို့ခွင့်ပြုမှ ဝင်ရမယ်ဆိုတာကိုလည်း သိထားတာဆိုတာ့ စကားကိုအတတ်နိုင်ဆုံး ချိုချိုသာသာလေးတော့ ပြောပေးရသေးတယ်။

``တော်တော် စကားပြောချိုသာလှချည်လား ၊ ကိုယ်ချင်းစာတတ်ပါတယ်ကွာ ၊ မြန်မြန်ဝင် ပြီးတာနဲ့ မြန်မြန်ပြန်ထွက် ခဏနေ ဂျုတီချိန်းရတော့မှာ နောက်စောင့်မယ့် နတ်က ငါ့လိုသဘောကောင်းတာမဟုတ်ဘူး´´

ကျွန်တော်လည်း ရွာထဲကို အမြန်ပြေးဝင်မိလိုက်တယ် ၊ ရွာထဲမှာလည်း နတ်ခွင့်ပြုချက်နဲ့ အိမ်တွေပတ်လည်နေတဲ့ကောင်တွေကလည်း နည်းနည်းနောနောမဟုတ် ။

``ဟာ လူတွေက နံတယ်ဟ´´

အမယ် လူတွေက နံတယ်ဆိုပါလား ၊ ဘယ်ကောင်ပြောတာလဲသိချင်တာနဲ့ နောက်လှည့်ကြည့်လိုက်တာ ရွာထဲက လူ့ငရှုတ်ကြီး ဦးတုတ်ကြီးဖြစ်နေတယ်။

`` ဟာ ဦးလေး အလည်လာတာလား´´

ကျွန်တော်ပြောတာကို ကြားတဲ့ဦးတုတ်ကြီးက ဟိုကြည့်ဒီကြည့်နဲ့ သူမဟုတ်သလိုတောင် လုပ်နေသေးတယ်။

``ဦးတုတ်ကြီး ခင်ဗျားကိုပြောနေတာလေ´´

``ဟေ ငါ့ကိုပြောနေတာလား မင်းက ဘယ်လိုလုပ် ငါ့ကိုမြင်ရတာလဲ ´´

``ကျွန်တော်က စောစောလေးကမှ ကားတိုက်ခံရတာလေ´´

``သြော် ဒါကြောင့် စောစောက လူနာတင်ယာဉ်ဖြတ်မောင်းသွားတာကိုး ၊ ဒါနဲ့ မင်းကောအလည်လာတာလား´´

``ဟုတ်တယ်ဗျ အိမ်ခဏပြေးလိုက်အုံးမယ်´´

``နေအုံးကွာ တို့တွေလူစုံတုန်း တစ်ဝိုင်းလောက်ထိုင်ရအောင်ကွာ´´

``ဟာဗျာ ခင်ဗျားကလည်း ခုချိန်ထိ ဒါတွေလုပ်နေတုန်းလား´´

``တစ်ခါတလေမှပါကွာ´´

ဦးတုတ်ကြီးကိုနူတ်ဆက်ရင်း အိမ်ကို အမြန်ပြေးသွားမိလိုက်တယ်။
တစ်မိသားစုလုံး ဝမ်းနည်းနေတဲ့ပုံရိပ်တွေမြင်တော့လည်း စိတ်ကတော့မကောင်းမိပေ။

``တီ တီ တီ´´

ဝစီမှုတ်သံလိုလို ဘာလိုလိုကြားလိုက်တာနဲ့ မကြာလိုက် ရွာထဲက ဝိညာဉ်တွေ ရွာပြင်ဘက်ကို အကုန်ပြေူးထွက်သွားကြတယ်။

``ဟေ့ကောင် ဝေယံ သွားတော့လေ အဆော်ခံထိနေအုံးမယ် ဧည့်တွေ့ချိန်စေ့ပြီဟ´´

သူတို့ပြောတာနဲ့ အိမ်ထဲက ပြေးထွက်မိလိုက်တယ် ။ရွာထိပ်ရောက်တော့ ရွာစောင့်နတ်ကြီးက အသင့်စောင့်နေတယ်။

``ဘယ်လိုလဲ ကောင်လေး အဆင်ပြေခဲ့ရဲ့လား´´

``အဆင်မပြေပါဘူးဗျာ ဧည့်တွေ့ချိန်က ခဏလေးဆိုတော့ ဖင်ပူအောင်တောင် မထိုင်လိုက်ရဘူး´´

``ဟားးးဟားးးးဒီလိုပါပဲကွာ လူ့ဘဝနဲ့ ခြားထားတယ်ဆိုပေမယ့် စည်းကမ်းတွေက ချထားရတယ် တစ်ချို့ကောင်တွေက ရွာထဲရောက်တာနဲ့ အစအနောက်ကတော်တော်သန်ကြတာ မဖြစ်သင့်တာတွေ ဖြစ်ကုန်လို့ သေချာစီစစ်နေရတာ အချိန်နဲ့ပိုင်းပြီး လည်ပတ်ခွင့်ပြုထားရတာ´´

``ကျွန်တော်နားလည်ပါတယ်ဗျာ ဒါနဲ့ ကျွန်တော်တို့ဘဝကကော ဘယ်လိုတွေဖြစ်လာမှာလဲ ´´

``ကံကံ၏အကျိုးပဲလေကွာ ကောင်းတာလုပ်ရင် ကောင်းတဲ့အကျိုးခံစားရမှာပဲ ၊ မကောင်းတာလုပ်ရင်တော့ မကောင်းကျိုးခံစားရမှာပဲလေ ၊ ဘာမှစိတ်ပူမနေနဲ့ အချိန်တန်ရင် တာဝန်ရှိတဲ့လူတွေ လာခေါ်ကြလိမ့်မယ် ´´

``ဟုတ်ကဲ့ ကျေးဇူးတင်ပါတယ်´´

အဲဒီနေ့တနေ့လုံး သူငယ်ချင်းတွေနဲ့ လျှောက်လည်မိတယ် ။
တမလွန်ကကောင်တွေပြန်ဆုံတုန်း အမှတ်တရပွဲလေးလည်း လုပ်ဖြစ်သေးတယ်။
သူ့ဘဝနဲ့သူကတော့ ပျော်နေကြတာပဲ။
ခုနှစ်ရက်လည်တဲ့နေ့မှာ အိမ်ကလုပ်တဲ့ အမျှအတန်းပေးဝေပွဲမှာ ကျွန်တော်သာဓုခေါ်ခဲ့မိတယ်။

ခုဆို ကျွန်တော့်ဘဝလေး အရင်ထက်တောင် ပျော်စရာကောင်းနေသေးတယ်။

အာလုံးပဲ ကျန်းမာ ချမ်းသာကြပါစေ။ ။
writing by SMT-45