ကျွန်တော်ကြည်ညိုလေးစားသောအမတ်ကြီးတစ်ယောက်အကြောင်း

အမေရိကန်ဆီနိတ်တာလွှတ်နော်အမတ်မင်
်းမစ္စတာဂျွန်ကွင်စီအဒမ်(Mr John Quincy Adams)သည်မည်သည့်ဘက်ကိုလိုက်ရမည်၊မည်သည့်လမ်းကိုရွေးချယ်ရမည်ကိုလေးလေးနက်နက်ကြိမ်ဖန်များစွာထပ်ပြန်တလဲလဲစဉ်းစားချိန်ဆနေသည်။

အဒမ်နှင့်သူ့ဖခင်ပါတီမှာထိုစဉ်ကအားကောင်းသောဖက်ဒရယ်လစ်ပါတီ၊ပြိုင်ဘက်ပါတီကရီပတ်ဗလစ်ကန်ပါတီ။ယခုလက်ရှိသမ္မတသောမက်ဂျက်ဖာဆင်သည် ရီပတ်ဗလင်ကန်ပါတီမှလည်းဖြစ်သကဲ့သို့ဂျွန်အဒမ်၏ဖခင်မစ္စတာအဒမ်ကိုသမ္မတရွေးချယ်ပွဲ၌ယှဉ်ပြိုင်အရွေးခံသောပြိုင်ဘက်အနိုင်ရရှိသွားသောသူ။

အဒမ်ကိုယ်စားပြုပါတီကဖက်ဒရယ်လစ်ပါတီကိုယ်စားပြုမဲဆန္ဒနယ်မြေကမက်ဆာချူးဆက်မဲဆန္ဒနယ်မြေ။၊ယခုအဒမ်ဆုံးဖြတ်ရမည့်သေရေးရှင်ရေးကိစ္စကသူ့ပါတီနှင့်လည်းတိုက်ရိုက်သက်ဆိုင်သည် ၊သူ့မဲဆန္ဒနယ်မြေနှင့်လည်းတိုက်ရိုက်သက်ဆိုင်သည် ၊ထို့အတူအမေရိကန်ပြည်ထောင်စုကြီးတစ်ခုလုံးနှင့်လည်းသက်ဆိုင်သည် ။ပြည်ထောင်စုအတွင်းနေ အမေရိကန်နိုင်ငံသူနိုင်ငံသားအားလုံးနှင့်လည်းပတ်သက်သည် ။ဘယ်လမ်းရွေးမလဲ့

အဒမ်သည်သမ္မတဟောင်း၏သားဖြစ်သကဲ့သို့ပင်ကိုယ်အရည်အချင်းလည်းမြင့်မားသူ ၊ရိုးသားဖြောင့်မတ်၍စိက်ကောင်းရှိသူ ၊သတ္တိရှိသူတစ်ဦး ၊အစစအရာရာ၌ဘက်စုံဒေါင့်စုံမှစဉ်းစားချိန်ဆဆုံးဖြတ်တက်သူတစ်ဦး ၊ထို့ကြောင့်နိုင်ငံရေးလောကအကြောင်း အာဏာအကြောင်း ၊မဲဆန္ဒရှင်အကြောင်းသိသမှ နောကျေနေသောသူ ။အဒမ်သည်ပါတီတစ်ပါတီကိုကိုယ်စားပြုရွေးချယ်ခံအမတ် ၊ထိုအမတ်သည်သူ့ပါတီကိုသူရိုသေရန်တာဝန်ရှိသည် ။ထို့အတူသူသည်မဲဆန္ဒနယ်မြေတစ်ခုကိုကိုယ်စားပြုတက်လာသူ ၊မဲဆန္ဒရှင်များအလိုဆန္ဒနှင့်မဆန့်ကျင်ရန်သူ့မှာတာဝန်ရှိကြောင်းအဒမ်သိသည် ။ပါတီကိုရိုသေသူ ပါတီခိုင်းသည်ကိုလိုက်နာလုပ်ကိုင်သူမှသာနောက်အပတ်မဲရွေးချယ်ပွဲ၌ပါတီအမတ်လောင်းလျာအဖြစ်ပါတီကထားပေးလေ့ရှိသည်။မဲဆန္ဒရှင်ပြည်သူများကလည်းသူ့တို့ဆန္ဒကိုမဆန့်ကျင်မှသာနောက်အပတ်၌ထိုအမတ်ကိုမဲပေးမည်။မဲဆန္ဒရှင်များ၏အလိုဆန္ဒကိုဆန့်ကျင်ခဲ့သောအမတ်အား၊မိုးပေါ်ကဘုရားသခင်မှချပေးလိုက်သည်ဖြစ်စေ၊လျှို့ဝှက်မဲပေးရာ၌ညီတူညီညာဆန့်ကျင်မဲပေး၍ထိုအမတ်ခွက်ခွက်လန်အောင်အော်ရှုံးပါလိမ့့််မည်။ထူးခြားအင်အားစုဖြစ်သောစီးပွားရေးသမားအုပ်စုကလည်းသူတို့ဆန္ဒနှင့်ကိုက်ညီမှသာရွေးကောက်ပွဲရံပုံငွေကိုဗြောင်ဗြောင်တင်းတင်းရောလက်သိပ့်ထိုးရောပုံတိုက်အောတိုက်ထည့်ကြလိမ့်မည်။သူတို့ဆန္ဒကိုဆန့်ကျင်ပါကနောက်အပတ်မဲရွေးချယ်ပွဲ၌ရံပုံငွေတစ်ဒေါ်လာနှစ်ဒေါ်လာတောင်ထည့်မည်မဟုတ်ကြ။အချို့အမတ်များဆိုလျှင်ရွေးကောက်ပွဲရံပုံငွေထည့်သောသူများ၏တပည့်လက်သားပမာဖြစ်ဖြစ်သွားတက်သည်။

အဒမ်အနေဖြင့်နောက်အပတ်၊နောက်အပတ်များစွများစွာ၌အမတ်မင်းဆက်လက်ဖြစ်လိုပါကသူ့ပါတီ၊သူ့မဲဆန္ဒနယ်မြေ၊သူ့ကိုရွေးကောက်ပွဲရံပုံငွေထည့်မည့်သူများနှင့်ရေလိုက်ငါးလိုက်နေတတ်ရမည်။အလွန်းသင့်အဆင်ပြေအောင်အလိုက်ထိုက်နေတတ်ရမည်။မဲဆန္ဒရှင်ပြည်သူများအထင်ကြီးလာ၊အားကိုလာယုံကြည်သည်ထက်ယုံကြည်လာအောင်အမြဲကြိုးစားရမည်။ထာဝရအမတ်မင်းဖြစ်ရေးမှာသင်္ချာပုံသေနည်းကဲ့သို့ထင်ထင်ရှားရှား။(တစ်)ပါတီကကိုယ့်ကို ကိုယ်စလှယ်လောင်းလျှာထားရမည်(နှစ်)ကိုယ့်မဲဆန္ဒနယ်မြေမှမဲဆန္ဒရှင်ထက်ဝက်ကျော်ကကိုယ့်ကိုမဲပေးအောင်လုပ်နိုင်ရမည်။(သုံး)ရွေးကောက်ပွဲရံပုံငွေထည့်နိုင်သောငွေကြေးချမ်းသာသူများကကိုယ့်ကိုရံပုံငွေများစုပုံလှူအောင်လုပ်နိုင်ရမည်၊ဒီသုံးချက်ကိုပိုင်ပိုင်နိုင်နိုင်လုပ်တတ်ကအမေရိကန်ဒီမိုကရေစီနိုင်ငံရေးလောကတွင်အမတ်မှအမတ်၊ဆီနိတ်တာမှဆီနိတ်တာ၊ရာသက်ပန်အမတ်လုပ်စားပေတော့။

ဂျွန်ကွင်စီအဒမ်သည်အမတ်လုပ်စားရေးထက်အမတ်မင်းတာဝန်ကိုဦးစားပေးစဉ်းစားသည်။အမတ်မင်းသည်အမေရိကန်ပြည်သား။အမေရိကန်ပြည်သားဖြစ်၍အမေရိကန်အမတ်ဖြစ်နေသည်။အမေရိကန်ပြည်သားသည်အမေရိကန်ပြည်ထောင်စုသားလည်းဖြစ်နေသည်။ပြည်ထောင်စုဟူသည်ပြည်နယ်များကိုစုစည်းရာမှဖြစ်ပေါ်လာသည်။အပြန်ပြန်အလှန်လှန်စဉ်းစားပါကပြည်နယ်များစုပေါင်းပေါင်းစည်း၍ပြည်ထောင်စုဖြစ်လာသည်။ပြည်ထောင်စုသားတို့ပေါင်းစည်းရာမှအမေရိကန်နိုင်ငံသူနိုင်ငံသား၊ပြည်ထောင်စုသား(အမေရိကန်သား)ဖြစ်လာသည်။ပြည်ထောင်စုသဘော၊ပြည်သူပြည်သားသဘောဖြင့်စဉ်းစားသုံးသပ်ပါကပါတီဝင်ဟူသည်ပြည်သူအားလုံး၏တစ်စိတ်တစ်ပိုင်းမျှသာဖြစ်သည်။မဲဆန္ဒနယ်ဟူသည်ပြည်ထောင်စုနယ်မြေ၏တစ်နေရာရာတစ်စိတ်တစ်ပိုင်းမျှသာဖြစ်သည်။အစိတ်အပိုင်းများကိုဆက်စပ်ရာက၊တစ်ခုဖြစ်လာလျှင်မည်သည့်အစိတ်အပိုင်းထက်မဆိုထိုတစ်ခုကပို၍ကြီးသည်။ထိုအချက်ကိုဆီနိတ်တာအမတ်မင်းဂျွန်ကွင်စီအဒမ်ကသဘောပေါက်သကဲ့သို့သူ့ဘဝလက်ရှိရောအနာဂတ်ပါပျက်စီးချင်ပျက်စီးပါစေတော့၊အမတ်မင်းဘဝမှပြုတ်၊သူ့ပါတီသူ့မဲဆန္ဒနယ်မြေမှမဲဆန္ဒရှင်တို့ကစက်ဆုပ်ရွံရှာချင်ရွံရှာပါစေတော့ဟုသဘောထားကာပြည်ထောင်စုတစ်ခုလုံးအကျိုး၊အမေရိကန်နိုင်ငံသားအားလုံးအကျိုးကိုသာဦးစားပေးလုပ်ဆောင်ရန်ဆုံးဖြတ်ပြီးရဲရဲဝံ့ဝံ့ရင်ဆိုင်လုပ်ဆောင်သည်။

ဂျွန်ကွင်စီအဒမ်ဆီနိတ်တာအမတ်ဖြစ်ချိန်မှာလွန်ခဲ့သောအနှစ်တစ်ရာကျော်ကဖြစ်ပါသည်။ထိုစဉ်(၁၈၇၀)ခုနွေဦး၌အမေရိကန်သင်္ဘောများကိုဗြိတိန်ကဖမ်းဆီးသိမ်းဆီးပြီးရရှိသောသဘောင်္နှင့်သဘောင်္သားများကိုအဓမ္မအသုံးချစေခိုင်းသည်။ထိုမျှမကအမေရိကန်သင်္ဘောချီစာပိတ်ကိုဗြိတိန်ကအမြောက်နှင့်ပစ်ရာနစ်မြုပ်သည်။ဤလုပ်ရပ်များသည်ဗြိတိန်ကအမေရိကန်ပြည်ထောင်စု၏အချုပ်အခြာအာဏာကိုခြိမ်းခြောက်သောသဘော၊အမေရိကန်နိုင်ငံသူနိုင်ငံသားတို့၏လုံခြုံရေးကိုပျက်စီးစေသောသဘောဖြစ်၍ဗြိတိန်ဆန့်ကျင်ရေးလိုအပ်သကဲ့သို့အရေးယူဆောင်ရွက်ရေးကိုအဒမ်ကတောင်းဆိုသည်။

အဒမ်ပါတီကြီးစိုးရာနယ်မြေများနှင့်အဒမ်မဲဆန္ဒနယ်မြေသည်ကူးသန်းသွားလာရေးနှင့်ရောင်းဝယ်ရေးကိုအခြေခံစီးပွားရှာရာစီးပွားရေးမထိခိုက်မှုကိုသာဦးစားပေးဖြေရှင်းလိုသည်။အမေရိကန်တစ်ပြည်လုံးနိုင်ငံသားအားလုံးအရေးထက်သူတို့စီးပွားရေးမပျက်စီးမှုကိုသာအခြေခံထားဖြေရှင်းလိုရာမှအဒမ်နှင့်သဘောထားကွဲသည်။ပြည်ထောင်စုနှင့်ပြည်ထောင်စုသားအားလုံးအကျိုးကိုဦးထိပ်ထားသောအမတ်အဒမ်နှင့်သူ့ပါတီသူ့မဲဆန္ဒနယ်သူနယ်သားတို့အတိအလင်းလမ်းခွဲကာတစ်နိုင်ငံလုံးအတွက်နိုင်ငံသားအားလုံးအတွက်အဒမ်ရပ်တည်ဆောင်ရွက်တော့သည်။သူ့ပါတီပြိုင်ဘက်ရီပတ်ဗလီကန်များကမှန်ကန်သည်၊ပြည်ထောင်စုအကျိုးအဓိကထားသည်ဟုယုံကြည်ကာပြိုင်ဘက်နှင့်လက်တွဲဆောင်ရွက်ခဲ့ပါသည်။လက်ရှိသမ္မတသောမတ်ဂျက်ဖာဆင်သည်အဒမ်ဖခင်မစ္စတာအဒမ်းကိုသမ္မတပလ္လင်မှတွန်းချခဲ့သူ။ရိပတ်ဗလစ်ကန်ပါတီသည်အဒမ်ပြိုင်ဘက်ပါတီ၊ထိုမျှမကပြည်ထောင်စုအကျိုးထက်ကိုယ့်အကျိုး၊ကိုယ့်နယ်အကျိုးဦးစားပေးစေလိုသောအဒမ်မဲဆန္ဒရှင်များ။ဂျွန်ကွင်စီအဒမ်သည်ပါတီစွဲမရှိ၊ပုဂ္ဂိုလ်စွဲမရှိ၊မဲဆန္ဒနယ်စွဲမရှိပဲမှန်မှန်ကန်ကန်ဖြင့်ပြည်ထောင်စုဘက်၊ပြည်သူပြည်သားအားလုံးဘက်မှရပ်တည်ခဲ့ရာအမတ်မင်းဘဝမှလည်းပြုတ်ခဲ့ရပါ၏။သူ့ပါတီ၊သူ့ပါတီဝင်များ၊သူ့မဲဆန္ဒရှင်များကလည်းခါးခါးသီးသီး၊တူးတူးခါးခါးစက်ဆုပ်ရွံရှာမုန်းတီးသွားကြပါ၏။သူ့ဆွေရင်းသွေးရင်းများ၊သူ့မိတ်ရင်းဆွေရင်းများကလည်းနာနာကျည်းကျည်းမုန်းတီးစက်ဆုပ်ကြဝိုင်းပယ်ကြပါ၏။သူ့အဖေသမ္မတဟောင်းကြီးကသား၊ငါ့သားမင်းမမှားသေးဘူး မှားအောင်သာ စိတ်လိုက်မာန်ပါ မတုံ့ပြန်နဲ့ဟု အားပေးသူရှိခဲ့ပါ၏။နောင်အနှစ်နှစ်ဆယ်ခန့်ကြာလာပြီးအမေရိကန်နိုင်ငံအရေးပေါ်လာချိန်တွင်လူပုဂ္ဂိုလ်ထက်အမှန်တရားဦးစားပေးသော၊ပါတီထက်ပြည်သူအားလုံးကိုဦးစားပေးတွေးသော၊မဲဆန္ဒနယ်မြေထက်ပြည်ထောင်စုတစ်ခုလုံးအကျိုးစီးပွားကြည့်သော၊ပါတီစွဲ၊ပုဂ္ဂိုလ်စွဲ၊ဒေသစွဲကင်းသူကိုဝိုင်းဝန်းရှာကြရာဂျွန်ကွင်စီအဒမ်ကိုလက်ရှိကရော၊အတိုက်အခံကပါတွေ့ရှိပြီးသမ္မတဝိုင်းဝန်းတင်မြောက်ကြသည်။သမ္မတ၊ဝန်ကြီး၊ဆီနိတ်တာအဖြစ်ကွယ်လွန်ချိန်အထိဝိုင်းဝန်းတင်မြှောက်ကြပါသည်။ထိုအမတ်ကြီးကိုပါတီထက်ပြည်ထောင်စုအကျိုးဦးစားပေး၍၊ပုဂ္ဂိုလ်ထက်အမှန်တရားဦးစားပေး၍၊မဲဆန္ဒနယ်ထက်အားလုံးအကျိုးကြည့်ရှု၍ကျွန်တော်ကြည်ညိုမိပါသည်။

ကျန်းမာချမ်းသာဘေးကင်းကြပါစေ
တွင်းကြီးဝမ်းမောင်(မြောင်)

MSC No.154
3.1.2018,Wed @twingyiwunmaung