What is ICO?????????????

ICO kya hai?
Aap ne yaqeenan ICO k baray men suna hoga aur is k mutaliq aap k dimagh men kuch sawalaat honge. Is post men main bataunga ke ICO kya hota hai? Is se kya kaam hota hai?

ICO ka matlab hota hai “Initial Coin Offering”, Urdu men is ka matlab hua Sikkay ki pehli paishkash.

ICO apne project k liye paise jama krne ka ya ikhattay krne ka ek tareeka hai.

Waise paise jama krne k teen riwaiti tareekay hen.
1- Hisas ya Shares bechna
2- Qarz lena
3- Masnoaat bechne se pehle order book kerna aur paise jama kr ke wo masnoaat banana

ICO ka matlab hua ke aap ko Bitcoin ya Ethereum ya kisi aur currencies k badlay wo coins faraham kerna jis k badlay aap baad men Bitcoin, Ethereum ya koi aur cryptocurrency dubara khareed saken. Is k liye zaroori hai ke ICO ya cryptocurrency aap ne khareedi ho market men us ki demand ho. Zyada tar log ICO ka istamaal blockchain ya cryptocurrency k project k liye paise jama krne k liye istamaal karte hain.

Agar ICO ki cryptocurrencies ki demand barhti hai to exchanges bhi us ko add krleti hain aur us ki price bhi badhti rehti hai. To agar aap ne 1 cent ki 1 cryptocurrency khareedi hai aur us ki price 3 cent hojati hai to aap ko 2 cents ka munafa hoga. Agar aap ne 1 dollar ki 100 ICO/cryptocurrency khareedi hain aur price 3 cents hojati hai to aap ko 2 dollar ka munafa hoga.

ICO men buhat se loag aise bhi hain jo dhoka dete hain aur paise leker bhaag jatay hain yani k apne project jis k liye paise jama kiye hote hain us ko update nhi krte. Is liye zaroori hai k aap agar ICO men paise lagain to utne hee paise lagain jitne ka loss aap bardaasht kr skte hon.

ICO ki Tareekh:
Pehla ICO token Mastercoin ne July 2013 men nikala. Ethereum ne apna ICO token 2014 men nikala. Ethereum ne US$18.5 million ke ICO tokens farokht kiye thay.

Loag Apna ICO kaise banatay hain?
Ethereum k smart contract system k uper sab se asaan contract banana ICO token ka hai. Market men jo zyadatar ICOs available hain wo Ethereum contract pe banai gaye hain.

Agar aap seekhna chahte hain k apna ICO kaise banain to comment field se aagah karen aur men koshish kerunga k aap ko sikha sakoon k aap apna ICO kaise bana sakte hain. Lekin is k liye zaroori hai k aap k pass koi acha idea ho jis k uper kaam krne k liye aap sanjeeda hon aur aap us project ko updated rakhen. Agar aap kuch aur bhi seekhna chahte hain to comment field se agah karen.