Ang sakeeeet 💔💔
Nagustuhan ko po yung paghahalintulad ng karakter sa saranggola. Nasa anyong malaya ang iyong tula kaya naiintindihan kong wala kang pamantayang sinusunod at hinahayaan mo lang ang daloy ng iyong mga salita.

Dama ko yung emosyon bagama't nalilito lang ako kung saan nagtatapos ang bawat taludtod.

Nalungkot ako sa dulo, akala ko kasi masaya ang kahihinatnan.

Naalala ko rin tuloy 'yung bf ko sa tulang ito. Siya yung saranggolang nasa malayo ngayon para maabot ang aming pangarap at ako naman ang nakahawak sa sinulid. Pero syempre, hindi ako bibitiw. Hehe

Tuloy lang po sa pagbabasa ng maraming tula at pagsasanay dahil nailagay mo na ang tamang emosyon sa bawat linyahan. Dama ko rin ang hugot at lalim ng iyong akda.

Maraming salamat po sa pagbabahagi mo ng iyong tula at sa pagsali sa ating patimpalak. Hanggang sa muli! 😊