ကျွန်တော်နှင့် မူးစု ပဲစု ( Henry Aung )

မင်္ဂလာပါ။ ကျွန်တော် လွန်ခဲ့သည့်ရက်က Avois မှ 50 RUB စမ်းထုတ်ခဲ့ပါသည်။ ဘာရယ်မဟုတ် ငွေထုတ်၍ ရသည်လားဟူ၍ စမ်းကြည့်သည့် သဘော ဖြစ်ပါသည်။ တပတ်အတွင်း Rating တက်စေရန် နေ့စဉ် အားသည်နှင့် YouTube Video များ ဝင်ရောက်ကြည့်နေခဲ့ပါသည်။

ဆိုတော့ ပိုက်ဆံရသည့် website များသည် လွယ်ကူလှသည်တော့မဟုတ်ပါ။ တပတ်လုံး ကြိုးစား Click ပါမှ 50 RUB ထုတ်ယူနိုင်ခဲ့ပါသည်။ 50 RUB ဆိုသည်မှာ လက်ရှိပေါက်ဈေးဖြင့် ဒေါ်လာ ပြား ၅၀ သာဖြစ်ပါသည်။ ငွေထုတ်ယူ၍ ရသည်။ သို့သော်နည်းသည်ဟု ဆိုရမည်ပင်။ အိမ်တွင် Wifi လည်းရှိသည် အလုပ်ကလည်း မများလှပါဆိုသူများ အတွက် အလွန်သင့်လျော်ပါသည်။

လက်ရှိ အချိန်တွင် ကျွန်တော့ အနေဖြင့် Aviso တွင် Rating 84 အထိ ရထားသော်လည်း Reward များကတော့ ထွေထွေထူးထူး တက်လာခြင်း မရှိပါ။ VK အကောင့် ဖွင့်နိုင်လျင် Reward များ ပို၍ များလာဖွယ်ရှိသော်လည်း လက်ရှိ VK က မြန်မာနိုင်ငံအား ပိတ်ထားပါသည်။

Online ငွေကြေးဟူသည်မှာ ဤသို့ မူးစု ပဲစု စုရမည်သာ ဖြစ်ပါသည်။ ကျွန်တော်တို့ စာရေးနေသော Hive သည်လည်း ထိုနည်းတူပင်ဖြစ်ပါသည်။ စာစရေးသည်နှင့် ၇ ရက်ပြည့်မှ မိမိ Reward ရရှိပါသည်။ သို့သော်ချက်ချင်း ငွေထုတ်ယူ၍ မရသေးပါ။ ပမာဏ တခုရောက်အောင် အလျင်အားထုတ်ယူရအုံးမည် ဖြစ်ပါသည်။

Avois ဖြစ်စေ Hive ဖြစ်စေ ငွေထုတ်ယူ၍ ရသည့် တိုင်အောင် မိမိဝရိယ စိုက်ထုတ်မှုတော့ လိုအပ်သည်ချည်း ဖြစ်ပါသည်။ သည်အတိုင်း ထိုင်ကြည့်နေ၍တော့ ဘားမှ ရလာမည်မဟုတ်ပါ။

ဤတွင် တခု ပြောစရာရှိသည်မှာ Hive တွင် မိမိကြိုးစားထားသမျှသော Reward ဖြစ်သည့် HP များ သည် ပြင်ပရှိ Hive ဈေးတက်လာသည်နှင့် အမျှ တန်ဖိုးတက်လာမည် ဖြစ်ပါသည်။

Avois တွင်လည်း ကြိုးစားရှာ၍ မိမိစုထားသော ရုရှား ရူဘယ် RUB များ တန်ဖိုး တက်သွားလျင် ပို၍ အကျိုးများလာစရာ ရှိပါသည်။ သို့သော် နိုင်ငံ တနိုင်ငံ ၏ ငွေကြေးသည် Cryptocurrency ကဲ့သို့ တရက်တည်း ဈေးထိုးတက်သွားသည် ဈေးထိုးကျသွားသည်ဟူ၍ ဖြစ်ခဲပါသည်။

ဈေးတက်လျင် သော်လည်းကောင်း ဈေးကျလျင်သော်လည်းကောင်း တအိအိနှင့် တက်သွား ကျသွားသည်သာ ဖြစ်ပါသည်။ တရက်လျင် ၁၀ပြား ၅ ရက် ပြား ၅၀ မှသည် မသိသာလှသေးသော်လည်း ၃ လ ၄ လခန့် စုမိလျင် အတော်လေး သိသာသော ငွေကြေးပမာန တခုအား ရရှိမည် ဖြစ်ပါသည်။

ကျွန်တော့ အနေဖြင့်လည်း Avois မှ ငွေကြေး ပမာဏတခုအထိ ထုတ်ယူနိုင်သည်အထိ ကြိုးစားမည်ဟု စိတ်ပိုင်းဖြတ် ထားပါသည်။ မလုပ်လျင် ဒီအတိုင်းငုတ်တုတ်ထိုင်၍ ဘားမျှ မလုပ်ပါ။ လုပ်မိလျင်လည်း တစုံတရာ အဖြေထွက်သည်အထိ လုပ်ရမှ စိတ်ကျေနပ်မှုရပါသည်။

Henry Aung ( Kachin )

21/02/2024 - Wednesday - 14;42 PM