Minsan, gusto natin magpakalayo o umurong sa isang sulok. Minsan din gusto natin na magbabad na lang sa sulok na ito para iwasan ang mga tao o problema muna. Pero hindi ito dahilan ng pagkawala ng ating responsibilidad sa lipunan ngunit isang paraan para kilalanin ang sarili upang makapag-isip. Ito din ginagawa ng mga taong hindi sanay makipaghalubilo sa kapwa, yung iba nag-iipon lang muna ng lakas ng loob upang harapin ang mundo ulit.
image source
Dito lang ako,
Isang lugar kung saan magaan ang puso,
Isang tahanang kinagisnan,
Kung saan mundo ko'y isinilang.
Kung saan malaya ang galaw ko,
Kung saan Walang nakakaalam ,
Malaya sa mata ng lipunan.
Dito lang ako kahit maliit ang paglagyan,
Malawak naman ang daloy ng isipan
Iniiwasan ang mga kompontrasyon
Balewala ang ingay nila doon.
Bakit nga ba ako'y nasa sulok?
Sabi nila'y masaya sa labas kesa magmukmok.
Marahil tama ang kanilang napag-alaman,
Pero ang sulok na ito'y aking ligtas na kanlungan.
Aalis din naman ako dito minsan,
Ngunit hayaan nyo ako't lumisan
Makapagpahinga, makapag-isip at makapagtanto,
At umunawa sa sarili at kilalanin ang tunay na ako.
♦♦♦♦♦♦ English Translation ♦♦♦♦♦♦
Sometimes, we want to retreat to our own corner. Sometimes, we also want to stay in this corner to avoid people or problems first. But this is not the reason for losing our social responsibility but a way to recognize oneself to think and reflect. It's also done by people who are shy to interact with others, such as introverts, others are just mustering the courage to deal with the world again.
Corner
I'm just here,
A place where my heart is light,
A place I call home,
Where my world was born.
Where my moves are free,
Where no one knows,
Away from society's eyes.
I just have a small space here,
Where my mind flows wide,
Avoiding those probing confrontations;
Ignoring the noise from outside
Why am I in the corner?
They say it's fun out there than to be alone.
Perhaps they are undoubtedly right,
But to me this corner is a safe haven.
I'll leave here sometimes,
But let me be and leave me alone here,
Cause I'll just need to relax, think and realize,
I'll understand myself and know who I really am.