Selamat pagi steemian sampai berjumpa lagi dengan saya. Pada hari ini saya akan membagikan syar'ir Aceh tentang "ureung Meu iman siap geu uji" selamat menikmati semoga bermanfaat.

---

---

Sya'ir Aceh : "UREUNG MEU IMAN SIAP GEU UJI"

=========
Meukrue seumangat hujeun di Cunda
Cukop meurasa nikmat bak Tuhan
Sayang that padee bandum teurata
Masa khung teuka hana meu'oh ban

Deungon Bismillah haba lon mula
Allah Ta'ala lon Pujoe rijang
Akan Muhammad Rahmat Sijahtra
Sahbat sineuna wareh pih saban

Manok jiku'uk 'oh suboh teuka
Mangat nak jaga banmandum insan
Neu idin keulon bacut meuhaba
Lon latih sastra keuneubah moyang

Meubek takira tanyoe lam donya
Chit ka mumada cuma iseulam
'Oh watee Allah tanyoe geucuba
WAJEB tasaba peuBUKTI iman

Banmandum ureung HAROK keu kaya
Meunyoe na harta bak sang ka seunang
Meunan chit teuma pandangan mata
Meuri sang hina tanpeng lam reugam

Padahai tanyoe beurhoh lam dua
Miskin ngon kaya beu Allah seunang
Meunyoe geutanyoe ka geubri harta
Tiep-tiep kutika syukoe hai taulan

---

---

Meunan chit bila Allah bri Papa
Kop seuderhana lam kehidopan
Beuna geutanyoe didalam Saba
Nyang Allah ridha tanyoe beusenang

Meunyang Allah bri nikmat meuganda
Syukornya hamba teuntee leubeh jai
Meunyoe umpama na peng meujuta
Beujai meunderma bek bakhee si man

Dilon teu ingat kheun Abu Baka
Tuan Baginda Rasul janjongan
'Oh watee kamoe Allah geucuba
Kureung beulanja meupeurap Tuhan

Meulakee Ampon ubena Dausa
Meulakee ridha nibakNya Rabban
Teuma 'oh watee ka Geubri Kaya
Geuhon that rasa cobaan meunan

Mudah that kamoe ingkar Rabbana
Meupubut Lagha lalee masa nyan
Ka condrong hatee pikee keu donya
Jai sia-sia 'oh Geubri meunan

Maka seubab nyan wareh syedara
Beh taboh kada tanyoe hai taulan
Adak Allah bri gasien ngon kaya
Bek " Teupet Mata, Tuwoe ke Tuhan"

Meumang geutanyoe pantah Geucoba
Geukalon kada Pangkatan Iman
Mangat nak pantah geulakap Hamba
Keu Allah Ridha lagi meu iman
=============
2A, Lhokseumawe 5 Agustus 2017

---

---

Pesan isi Sya'ir :
Jangan engkau selalu mengeluh ketika susah,
Juga ketika senang jangan "Lupa Daratan"..
#Cobaan_adalah_ujian_iman

{ أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ} [العنكبوت: 2، 3]

Artinya: “Apakah manusia itu mengira bahwa mereka dibiarkan (saja) mengatakan: “Kami telah beriman”, sedang mereka tidak diuji lagi?”. “Dan sesungguhnya Kami telah menguji orang-orang yang sebelum mereka, maka sesungguhnya Allah mengetahui orang-orang yang benar dan sesungguhnya Dia mengetahui orang-orang yang dusta.” Al ‘Ankabut: 2-3.

---

---

---

Terimakasih sudah berkunjung ke blog saya, jangan lupa upvote, resteem and follow me.