ကံကြွေး ရှိရင် ရဟန်းတောင်မှ ဆပ်ကြရတယ်

စွန်းလွန်းဆရာတော်ကြီး သက်တော်ထင်ရှားရှိစဉ်အခါက လူဆိုးလူမိုက်ကြီး ဦးမြမောင်ဆိုသော
သူသည် သတိသံဝေဂရကာ ဆရာတော်ကြီးထံ ရဟန်းအဖြစ် ခံယူလျှက် ၀ိပဿနာတရားများ ရှုပွားရာ (၇)ရက်မျှဖြင့် ရဟန်းကိစ္စပြီးတော်မူသည်။
တနေ့.. ည(၁၁)နာရီခွဲခန့် ကုဋီသို့သွားတော်မူသောအခါ အသင့်စောင့်နေသော လူဆိုးများက ဦးမဏိသာရအား ဖမ်းဆီးပြီး ဂူအတွင်းသို့ ယူဆောင်သွား၏။
ပါးစပ်အတွင်း အ၀တ်များပိတ်ဆို့ကာ ကြိုးများတုတ်လျက် အရှင်လတ်လတ် မီးရှုိ့ကြ၏။
ပါးစပ်အတွင်း အ၀တ်များပိတ်ဆို့ထားသဖြင့် နှုတ်ဖြင့် အကူအညီတောင်း၍ မရသဖြင့် စွန်းလွန်းဆရာတော်ကြီးအား မနောဖြင့်လျောက်ထားကာ သမာပတ်ဝင်စား၍ နေတော်မူ၏။
ထိုအကြောင်းကို ဆရာတော်ကြီးသိတော်မူသဖြင့် စည်များ တုံးမောင်းများ ကုလားတက်များ တီးခိုင်းတော်မူရာ ဂူအတွင်း တရားထိုင်နေကြသော ယောဂီများ အထိတ်တလန့် ဖြစ်ကုန်ကြ၏။
ဂူအပြင်သို့ ထွက်ကြည့်ရာ ရဟန်းတပါး တရားဝင်နေသော ဂူအတွင်း မီးများတောက်လောင်
နေသည်ကို တွေ့မြင်ရဖြင့် ၀ိုင်းဝန်းကာ မီးငြိမ်းသတ်လိုက်ရ၏။
ဦးမဏိသာရကား မီးရှုိ့ခံရစဉ် သမာပတ်ဝင်စားနေသဖြင့် မီးအပူရှိန် အဟပ်ခံရသည်မှအပ မည်သည့်ဒဏ်ရာမျှမဖြစ်။
ဤကား ပထမအကြိမ် ၀ဋ်ကြွေး ပေးဆပ်ရခြင်းဖြစ်၏။
ဒုတိယအကြိမ်တွင်ကား မနာလို ၀န်တိုသူများက ဖမ်းဆီးပြီး ဓားနှင့်ဝိုင်းခုတ်ခြင်း ခံရပြန်၏။
သည်းခံပြီး သမာပတ်ဝင်စားနေသဖြင့် ကြီးကျယ်သောဒဏ်ရာများမရဘဲ မဖြစ်စလောက် မြက်ရှရာမျှသာ ဒဏ်ရာရ၏။
တတိယအကြိမ်တွင်ကား မြင်းခြံနယ် ဆီမီးကန်ရွာမှာ ၀ါဆိုဝါကပ်စဉ် လူဆိုးများ၏ ဂူပိတ်မီးရှို့ခြင်း ခံရပြန်၏။အသက်မသေ လွတ်မြောက်ခဲ့ပြန်၏။
စွန်းလွန်းဆရာတော်ကြီးက.. “ ဦးပဉ္စင်း..သူ့အကြွေးရှိရင်ဆပ်လိုက်ပါ၊ကိုယ်ကလုပ်ခဲ့မိပြီကိုး”ဟုသာ မိန့်တော်မူ၏။ ဦးမဏိသာရကား မိမိဝဋ်ကြွေးအကြောင်းကို မိမိကိုယ်တိုင်ဆင်ခြင်၍ သိပြီးဖြစ်သဖြင့် အထူးမတုန်လှုပ်။ဓမ္မသံဝေဂယူကာ တရားနှလုံးသွင်းတော်မူ၏။
ဦးမဏိသာရကား ၀ဋ်ကြွေးကြီးသလောက် သမာဓိအား ကောင်းတော်မူသော အံ့ဘွယ်ရဟန္တာတစ်ဆူဖြစ်တော်မူ၏။
ထို ဦးမဏိသာရအလောင်း ဦးမြမောင်ကား လူ့ဘ၀က အလွန်ဆိုးပေသောသူ ဖြစ်ခဲ့၏။
ဇနီးမယားခုနှစ်ယောက်ယူ၏။
ဇနီးများအားလည်း နှိပ်စက်လေ့ရှိသည့်အပြင် မိမိဇနီးများနှင့်သင်္ကာမကင်းသူများကိုလည်း
ချမ်းသာမပေး၊သတ်ဖြတ်လေ့ရှိ၏။
ဦးမြမောင်သည် လူ့ဘ၀က လှည်းအငှါးလိုက်စားပြီး အသက်မွေး၏။
နွားများကိုလည်း အလွန်နှိပ်စက်ခဲ့၏။လှည်းတိုက်ရာတွင် ၀န်နှင့်အားမမျှ၍ ကုန်းအတက်တွင်
နွားများမရုန်းနိုင်ဘဲ လဲကျ၏။
ဦးမြမောင်ကား သနားခြင်း ကရုဏာကင်းမဲ့စွာဖြင့် ဆဲဆိုကြီးမောင်းလျက် နွားများအားတုတ်နှင့် တအားရိုက်၏။ ၀န်အလေးချိန်ကြောင့် နွားများမထနိုင်သည်ရှိသော် ကောက်ရိုးများကို နွားအပေါ်စုပုံပြီး မီးဖြင့်တိုက်ခဲ့၏။
ယခုနောက်ဆုံးဘ၀တွင် မိမိဝဋ်ကြွေးများခံရသည်မှာမိမိပြုလုပ်ခဲ့သော ထိုအကုသိုလ်ကံများကြောင့် သာဖြစ်ကြောင်းကိုယ်တိုင်လည်းသိရှိတော်၏။
စွန်းလွန်းဆရာတော်ကြီးကလည်း သိရှိတော်မူ၍ အထက်ပါအတိုင်း မိန့်တော်မူခြင်းဖြစ်၏။

အလားတူ စွန်းလွန်းဆရာတော်ကြီးလည်း မီးရှို့ခံရဘူး၏။
ည ခုနှစ်နာရီအချိန်လောက်တွင် ရွာနီးကျောင်း ဘုန်းကြီးတပါး လာပင့်သဖြင့် လိုက်ပါသွားရ၏။
အတော်ဝေးသော လယ်ကွင်းတနေရာသို့ ရောက်သောအခါ..
“ကိုယ်တော်ရဟန္တာဟုတ် မဟုတ် သိရောပေါ့”ဟု ပင့်လာသော ဘုန်းကြီးကပြော၏။
ဒကာတဦးက ရေနံဆီပုန်းကိုဖွင့်သဖြင့် ရေနံဆီအနံ့ရသောအခါ မိမိအား မီးရှို့တော့မည်ကိုသိသဖြင့်
“တနာရီအတွင်း ငါ၏ခန္ဓာကိုယ် မပျက်စီးပါစေသတည်း” ဟု အဓိဌာန်ပြီး နိရောဓသမာပတ်ဝင်စားတော်မူ၏။
ရေနံဆီလောင်း၍ မီးရှို့ခံရသော်လည်း ဆရာတော်ကြီးကား ဘာမှမဖြစ်။ပကတိအတိုင်းသာရှိ၏။
ဝဋ်ကြွေးရှိ၍ ခံကြရခြင်းသာဖြစ်၏။မည်သူ့ကိုမျှ အပြစ်ဆိုဘွယ်ရာမရှိ။
ကိုယ်ပြုခဲ့သမျှ ကိုယ်ခံရသည်သာ။
အကုသိုလ်ဝဋ်ကြွေးဟူသည် ရှောင်မလွတ်၊ပြေးမလွတ်။
မဆပ်ဘဲမနေရ၊ တနေ့တချိန်မှာ အတိုးရော အရင်းရော ဆပ်ကြရသည်သာ။
ဘုရား ရဟန္တာများတောင် ၀ဋ်ကြွေးရှိက ဆပ်ကြရ၏။
ထို့ကြောင့်…
ကြွေးယူလျှင် ကြွေးဆပ်ရတာသဘာဝမို့ အကြွေးကင်းအောင် နေနိုင်ကြပါစေကြောင်း မေတ္တာဖြင့် သတိပေးလိုက်ပါတယ်။ ။

မှီငြမ်း=ရဟန္တာနှင့်ပုဂ္ဂိုလ်ထူးများ(ဓမ္မာစရိယဦးဌေးလှိုင်)